Rusiyada yanacaq-energetika obyektlərinə dron hücumu olub

Rusiyanın paytaxtı Moskvadan 360 km cənub-qərbdə, Smolensk vilayətində yanacaq-energetika kompleksi obyektlərinə pilotsuz uçuş aparatı (PUA) ilə hücum edilib.

Busaat.az xəbər verir ki, vilayətin qubernatorunun müavini Vasili Anoxin iki uzaq mənzilli PUA-nun Smolensk vilayətində yanacaq-energetika kompleksinin obyektlərinə hücum etdiyini açıqlayıb.

Vasili Anoxin bildirib ki, hücum zamanı insan tələfatı və ciddi dağıntı olmayıb:

“Bu gün səhər saat 3 radələrində iki uzaqmənzilli pilotsuz uçuş aparatı Poçinkovski rayonunun Peresna və Smolensk vilayətinin Divasi kəndlərində yanacaq-energetika kompleksinin obyektlərinə hücum edib. Hadisə zamanı ölən və xəsarət alan olmayıb”, – Anoxin bildirib.

Busaat.az