Rusiyadakı vəziyyətlə bağlı Qazaxıstan Təhlükəsizlik Şurasının növbədənkənar iclası keçirilib

Qazaxıstan prezidenti Kasım-Jomart Tokayev Rusiyadakı vəziyyətlə əlaqədar ölkənin Təhlükəsizlik Şurasının növbədənkənar iclasını keçirib.

Busaat.az xəbər verir ki, bu bardə Qazaxıstan prezidentinin mətbuat xidməti məlumat yayıb.

“Prezident baş nazirin, baş prokurorun, Milli Təhlükəsizlik Komitəsinin sədrinin, müdafiə, daxili və xarici işlər nazirlərinin Rusiyadakı vəziyyətlə əlaqədar tapşırıqların icrası ilə bağlı tədbirlər haqqında məruzələrini dinləyib. “, – məlumatda deyilir.

Rusiyada baş verənlərin ölkənin daxili işi olmasına baxmayaraq, Qazaxıstan sakinləri dünyanın ən uzun sərhədini paylaşdığı dost ölkədəki vəziyyətdən narahatdırlar”, – deyə məlumatda qeyd edilir.

Tokayev xatırladıb  ki, Rusiya prezidenti Vladimir Putinlə telefon danışığı zamanı o, Rusiya hakimiyyətinin konstitusiya quruluşunun yaradılması və vətəndaşlarının təhlükəsizliyinin təmin edilməsi istiqamətində gördüyü tədbirləri dəstəkləyib.

“Tokayev hərbi əməliyyatların dayandırılması ilə bağlı razılaşmanı alqışlayıb. Onun sözlərinə görə, hər bir dövlətin, o cümlədən Qazaxıstanın daxili siyasətinin əsas prioriteti ictimai asayişin təmin edilməsinin əsası kimi qanunun aliliyi prinsipi olmalıdır”, – məlumatda vurğulanır.

Busaat.az