Rusiya prezidenti Vladimir Putinin Suriya üzrə xüsusi nümayəndəsi Aleksandr Lavrentyev Moskvanın Suriya ilə bağlı Vaşinqtonla danışıqlara hazır olduğunu açıqlayıb.
Busaat.az xəbər verir ki, bu barədə Lavrentyev özü məlumat verib.
Aleksandr Lavrentyev deyib ki, əgər ABŞ istəsə, Moskva Suriya üzrə Vaşinqtonla danışıqları davam etdirə bilər.
Rusiyanın ABŞ-la Suriya üzrə danışıqlara qayıda biləcəyi sualına cavab olaraq Lavrentyev iddia edib ki, ABŞ Suriya da daxil olmaqla ölkələr arasında bütün təmasların dayandırılmasına görə məsuliyyət daşıyır.
Lavrentyev bəyan edib ki, Moskva ilə Vaşinqton arasında Suriya ilə bağlı təmas perspektivləri indiyədək qaranlıq olaraq qalır.
“Düşünürəm ki, onlarla prinsipial danışmaq olar. ABŞ administrasiyasında nəinki ABŞ-ın, hətta Rusiyanın da marağında olacaq normal və balanslaşdırılmış qərarlar qəbul edib onları dinləyə bilən ağlabatan insanlar var” – deyə, Lavrentyev bildirib.
