Rusiyadan birbaşa təhlükə görmürük - Norveçin MN

“Ukrayna böhranı fonunda Norveç hərbi xərclərini artırıb və kəşfiyyatını hazır vəziyyətə salıb”.

Busaat.az xəbər verir ki, bu barədə Norveçin Müdafiə naziri Byorn Arild Qram Almaniyanın “Frankfurter Allgemeine Zeitung” qəzetinə müsahibə verib.

“Rusiyanın Ukraynada hərbi əməliyyatı başlayandan bəri Norveç və Rusiya arasında qarşılıqlı əlaqələrdə dəyişikliklər yaşanıb. Bununla əlaqədar olaraq, biz bəzi rabitə kanallarını saxlamışıq, balıqçılıqda əməkdaşlıq edirik və dənizdə xilasetmə işlərində birlikdə işləyirik. Biz fəallıq az olsa da, ordularımız arasında qarşılıqlı əlaqəni davam etdiririk. Nə vaxtsa hər şey normallaşmalıdır. Lakin ola bilər ki, hər şey əvvəlkindən fərqli olacaq, çünki bu vəziyyətin də uzunmüddətli nəticələri var” – deyə, nazir qeyd edib.

Qram Ukrayna böhranı fonunda Norveç hərbi xərclərininin artdığını və kəşfiyyatını hazır vəziyyətə saldığını bildirib: “Biz Norveçə qarşı konkret birbaşa hərbi təhlükə görmürük. Ancaq bu, ciddi vəziyyətdir və biz hər şeyə hazır olmalıyıq”.

Busaat.az