Rusiyadan Suriyaya daha 100 ton humanitar yük göndərilib

Ötən gün Rusiyadan zəlzələdən zərər çəkmiş Suriyaya ümumilikdə 100 ton humanitar yük göndərilib.

Busaat.az xəbər verir ki, bu barədə Suriyada Müxalif Tərəflərin Barışdırılması üzrə Rusiya Mərkəzinin  rəis müavini Oleq Qurinov bildirib.

“Gün ərzində Rusiya Suriyaya 100 ton humanitar yük çatdırıb. Ümumilikdə 389,8 ton yük gətirilib. Humanitar əməliyyatlar Əl-Xəzzaniya, Səlhab, Xandek əl-Qharbi, Skalbiya və Hurad Ammurin yaşayış məntəqələrində aparılıb. Sakinlər arasında ümumilikdə 26,6 ton ərzaq paylanıb”, – Qurinov qeyd edib.

Həmçinin Rusiya və Belarus hərbi həkimləri zəlzələdə yaralanan suriyalılara səhra xəstəxanasında tibbi xidmətlər göstərməyə davam edir.

Busaat.az