ABŞ Ukraynada “saray çevrilişi” hazırlayır.
Busaat.az xəbər verir ki, bu iddia ilə Rusiya Xarici İşlər Nazirliyinin sözçüsü Mariya Zaxarova çıxış edib.
Mariya Zaxarova ABŞ dövlət katibinin müavini Viktoriya Nulandın Kiyevə gəlişinin təsadüf olmadığını, “saray çevrilişi”nin planlaşdırıldığını iddia edib.
“ABŞ Dövlət Departamentinin baş müşaviri xanım Nuland dekabrın 4-də Kiyevə səfər edib. Amerikalı müfəttişin Ukraynaya vəziyyəti yoxlamaq, müharibənin gedişini dəyərləndirmək üçün gəldiyi deyilir. Görünür, onlar da cinayət yerinə tələsirlər” – deyə, Zaxarova qeyd edib.
Rus diplomat Nulandın Kiyevə səfərinin Ukrayna üçün “faciəli qarışıqlığın xəbərçisi” olduğunu iddia edərək, “Ukraynanın güc dairələrində Qərb yardımlarının bölüşdürülməsi ilə bağlı fikir ayrılıqlarının kəskinləşdiyi bir vaxtda onun Kiyevdə peyda olması, şübhəsiz ki, təsadüfi deyil. Saray çevrilişi və ya bəzi kadr dəyişiklikləri yenidən qüvvəyə minib: “Düşünürəm ki, Vaşinqtonun səbrini dəfələrlə sınayan Zelenski rejiminin düşünməli çox şeyi var” – deyə, əlavə edib.
Nulandın 2014-cü ildə Ukraynada dövlət çevrilişinə cəhddə iştirak etdiyini deyən Zaxarova sözlərini belə tamamlayıb: “Təbii ki, bunun arxasında ilk növbədə ABŞ və Avropa qitəsində ABŞ-la birlikdə hərəkət edən ölkələr və siyasi qüvvələr dayanırdı. O, ehtiyatsızlıqdan Ukraynanın daxili işlərinə də qarışdı”.
Busaat.az
