Rusiyanı öhdəliklərini yerinə yetirməyə çağırırıq - Fransa XİN

Fransa Rusiyanın Yeni Strateji Silahların Azaldılması Müqaviləsindən (START) çıxmaq qərarını təəssüflə qarşılayır.

Busaat.az xəbər verir ki, bu barədə Fransa Xarici İşlər Nazirliyinin bəyanatında bildirilib.

ABŞ-ın nüvə sınağı keçirəcəyi təqdirdə Rusiyanın da buna cavab verməyə hazır olduğunu bildirməsinin narahatlıq doğurduğu qeyd edilib. “Yeni Başlanğıc”ın beynəlxalq nüvə silahlarının idarə olunması və strateji sabitliyin qorunması baxımından əhəmiyyətli olduğu vurğulanıb.

Bəyanatda NATO-nun Rusiyanı öhdəliklərini yerinə yetirməyə və mümkün qədər tez müqaviləyə qayıtmağa çağırdığı bildirilib.

Paris Moskvanı nüvə müharibəsinin və silahlanma yarışının qarşısının alınması məqsədi ilə 3 yanvar 2022-ci il tarixli bəyannaməyə əməl etməyə çağırıb.

Busaat.az