Rusiyanın Azərbaycan və Türkiyə ilə münasibətlərinin niyə dəyişdiyini anlamaq lazımdır – Paşinyan

Regionda münasibətlərimizi dəyişdirməsək, mövcud təhlükələri idarə edə bilməyəcəyik. Bunun üçün düşündüyümüzdən daha çevik olmalıyıq.

Busaat.az xəbər verir ki, bunu Ermənistanın baş naziri Nikol Paşinyan keçirdiyi mətbuat konfransında bildirib.

O, Rusiya ilə Türkiyə arasında münasibətlərin niyə və necə dəyişdiyini və bunun Ermənistan üçün nə demək olduğunu anlamağa çağırıb: “Rusiya ilə Azərbaycan arasında münasibətlər niyə və necə dəyişib? Bunun bizə təsirini başa düşməliyik.

Suallara cavab verməliyik: regionda özümüzü necə yerləşdiririk? Qonşu və tərəfdaş kimi? Yoxsa zastava kimi? Yoxsa tarixi ədalət uğrunda mübarizə aparan? Yoxsa başqa ölkələrə dərs verməli bir dövlət kimi?”

Paşinyan seçim etmək üçün bu məsələləri qabardıb: “Ermənistan hökuməti bu seçimi edib, lakin bu, qəbuledilməz ola bilər. Biz başa düşməliyik ki, dünyadan regiona, yoxsa regiondan dünyaya doğru gedək. Tarixən biz birincini etmişik. Bu cavablandırılmalı olan əsas sualdır. Biz regiondan dünyaya getməliyik”.

Busaat.az