“Nüvə suverenliyimiz və ərazi bütövlüyümüzün əsas təminatçısıdır”.
Busaat.az xəbər verir ki, bunu strateji təyyarələr, qitələrarası ballistik raketlər və sualtı qayıqlardan ibarət “nüvə üçlüyü”nü inkişaf etdirməyə davam edəcəklərini bildirən Rusiya müdafiə naziri Şoyqu deyib.
Sergey Şoyqu Rusiya Müdafiə Nazirliyinin rəsmiləri ilə keçirdiyi görüşdə 2023-cü illə bağlı qiymətləndirmələr aparıb.
Bu il üçün əsas hədəflərinin Rusiya ordusunun döyüş qabiliyyətini artırmaq üçün kompleks tədbirlər görmək olduğunu vurğulayan Şoyqu bildirib: “Ordumuzun Ukrayna və Suriyadakı əməliyyat təcrübəsini daim təhlil etməli, kadr hazırlığı proqramları və ordunun hazırlanmasında istifadə etməliyik”.
Rusiyanın “nüvə üçlüyü” olaraq təyin etdiyi strateji təyyarələr, qitələrarası ballistik raketlər və sualtı qayıqlardan ibarət potensialını inkişaf etdirməyə davam edəcəyini bildirən Şoyqu deyib: “Biz nüvə triadasını inkişaf etdirməyə və döyüş hazırlığı səviyyəsini saxlamağa davam edəcəyik. Nüvə suverenliyimiz və ərazi bütövlüyümüzün əsas təminatçısıdır”.
Döyüş təyyarələri və pilotsuz uçuş aparatları da daxil olmaqla Rusiya hava qüvvələrinin imkanlarını artıracaqlarını açıqlayan Sergey Şoyqu deyib: “Bizim prioritet planlarımız arasında müasir hücum maşınları arsenalını genişləndirmək də var”.
Busaat.az
