“Vaqner”in Ukraynadakı xüsusi hərbi əməliyyat zonasından çıxarılması döyüş potensialı üçün heç bir risk yaratmır, çünki Rusiya Silahlı Qüvvələrinin onları əvəz etmək üçün kifayət qədər imkanları var.
Busaat.az xəbər verir ki, bu sözləri Rusiya Dövlət Dumasının Müdafiə Komitəsinin rəhbəri Andrey Kartapolov TASS-a bildirib.
“Üsyan zamanı cəbhə xəttində heç bir Vaqner döyüşçüsü yox idi, çünki onların hamısı düşərgələrdə yerləşmişdi. Ukraynanın əks-hücumunun cavabı praktiki olaraq onların iştirakı olmadan həyata keçirilib”, – Kartapolov deyib.
“Vaqner”i əvəz etməyə gəlincə, Rusiya Silahlı Qüvvələrinin kifayət qədər hərbi imkanı var”, – Kartapolov qeyd edib.
O, əlavə edib ki, bu günə kimi həm orta, həm də uzunmüddətli perspektivdə döyüş potensialının azalması ilə bağlı heç bir təhlükə yoxdur.
Busaat.az
