Gürcüstanın baş naziri İrakli Qaribaşvili Avqust müharibəsinin 15-ci ildönümündə çıxışının əsas hissəsini üçüncü prezident Mixail Saakaşvilinin roluna həsr edib.
Busaat.az Novosti-Gruziya-a istnadən xəbər verir ki, Qaribaşvili bu barədə 2008-ci ildə həlak olan əsgərlərin xatirə kompleksində və kütləvi məzarlığında danışıb.
“Əsgərlərimiz xalqımıza qəhrəmanlıq nümunələri qoyublar, eyni zamanda keçmiş prezidentin ən pis davranışını da gördük, xatırlayın, qalstukunu çeynəmək, təyyarənin düşməsi, yerdə uzanmaq. Çox ayıbdır, bunu təkcə biz yox, təəssüf ki, bütün dünya gördü”, – Qaribaşvili bildirib.
Nazir qeyd edib ki, Gürcüstanın Təhlükəsizlik Şurası o vaxt heç də narahat deyildi və həlak olan qəhrəmanlarla maraqlanmırdı.
Qaribaşvili 2008-ci ilin avqustunda Gürcüstan rəhbərliyinin hərəkətlərini xain adlandırıb.
Onun fikrincə, “axmaq siyasət” və “Saakaşvilinin məsuliyyətsizliyi” olmasaydı, müharibədən qaçmaq olardı.
Busaat.az
