Sabiq XİN rəhbəri vəfat edib - FOTO

Yunanıstanda PASOK partiyasının formalaşdırdığı hökumətlərdə dəfələrlə nazir vəzifəsində çalışmış Teodoros Panqolosun dünyasını dəyişdiyi bildirilib.

Busaat.az xarici mediaya istinadən xəbər verir ki, yaxınları sosial şəbəkədə, “Əzizimiz Teodoros Panqalos evində, ailəsi və yaxınlarının yanında sakitcə dünyasını dəyişdi”, – deyə yazıb.

1938-ci ildə Yunanıstanın Elefsine şəhərində anadan olan Panqalos sol mərkəzçi PASOK partiyası ilə uzun illər siyasətdə aktiv rol alıb.

Panqalos Baş nazirin müavini, Xarici İşlər Nazirliyi, Mədəniyyət Nazirliyi, Nəqliyyat Nazirliyində rəhbər, mədəniyyət nazirinin müavini vəzifələrində çalışıb.

Busaat.az