Xəbər verdiyimiz kimi, bu gün səhər saatlarında Bakıda yerləşən “İdrak” liseyinin qarşısında silahlı insident baş verib. Liseyin 10-cu sinif şagirdi 28 yaşlı müəllimi – Şəhla Kamilovanı ov tüfəngi ilə güllələyib.
Busaat.az Bizim.Media-ya istinadən xəbər verir ki, 1997-ci il təvəllüdlü Şəhla Kamilova Xətai rayonunda yerləşən 260 saylı məktəbi yüksək nəticələrlə bitirib.
Daha sonra isə Bakı Dövlət Universitetinin Kompüter elmləri ixtisasında təhsil alıb.
Qeyd edək ki, Kliniki Tibbi Mərkəzə hospitalizasiya olunan müəllimənin vəziyyəti hazırda orta-ağırdır.
Hadisəni törədən şagird isə polis əməkdaşları tərəfindən saxlanılıb. Ondan ov silahı götürülüb.
Faktla bağlı Binəqədi rayon prokurorluğunda Azərbaycan Respublikasının Cinayət Məcəlləsinin müvafiq maddəsi ilə cinayət işi başlanaraq ibtidai istintaq aparılır.
