Sakit okeanda GƏRGİNLİK: Çin təyyarəsi ABŞ təyyarəsinə manevr edib

ABŞ Hind-Sakit Okean Komandanlığı (INDO-PACOM) Çin döyüş təyyarəsinin Cənubi Çin dənizi üzərində uçan ABŞ Hərbi Hava Qüvvələrinə məxsus kəşfiyyat təyyarəsinə qarşı təhlükəli manevr etdiyini açıqlayıb.

Busaat.az xəbər verir ki, ABŞ-ın Hind-Sakit Okean Qüvvələr Komandanlığından verilən yazılı açıqlamada, ABŞ və Çin arasında Sakit okean bölgəsində yeni gərginliyin yaşanması haqqında xəbərdarlıq edilib.

“Dekabrın 21-də Xalq Azadlıq Ordusunun Hərbi Dəniz Qüvvələrinin J-11 qırıcı pilotlarından biri Cənubi Çin dənizi üzərində beynəlxalq hava məkanında qanuni olaraq müntəzəm əməliyyatlar aparan ABŞ Hərbi Hava Qüvvələrinə məxsus RC-135 təyyarəsinə qarşı təhlükəli manevr edib” – deyə, bəyanatda deyilir.

Açıqlamada ABŞ təyyarəsinin toqquşmamaq üçün riskli manevrlər etməli olduğu vurğulanıb və bu ifadələrə yer verilib: “ABŞ qüvvələri beynəlxalq hüquqa uyğun olaraq bütün gəmilərin və təyyarələrin təhlükəsizliyinə lazımi hörmətlə yanaşaraq, beynəlxalq sularda və hava məkanında uçmağa və üzməyə davam edəcək. Biz ölkələrin beynəlxalq hava məkanından təhlükəsiz və beynəlxalq hüquqa uyğun istifadə etmələrini gözləyirik”.

Busaat.az