Rusiyanın müdafiə naziri Sergey Şoyqu Sakit Okean Donanmasının yüksək döyüş hazırlığı vəziyyətinə gətirildiyini bildirib.
Busaat.az xəbər verir ki, Şoyqu paytaxt Moskvada hərbi səlahiyyətlilərlə görüşdə prezident Putinin göstərişi ilə orduda yoxlamaların aparıldığını deyib.
Yoxlamaların hərbi qüvvələrin hazırlığının aşkarlanması və təkmilləşdirilməsi məqsədi ilə edildiyini bildirən Şoyqu deyib: “Bu gün saat 9-da Sakit Okean Donanması hərəkətə keçərək yüksək döyüş hazırlığı vəziyyətinə daxil olmağa başlayıb”.
Burada məqsəd silahlı qüvvələrin potensial düşmənin okean və dəniz zonalarında təcavüzü dəf etmək qabiliyyətini təkmilləşdirməkdir.
Şoyqu düşmənin Oxot dənizinin cənub hissəsinə, Saxalin adasına və Şimali Sakit Okeanın Kuril adalarına mümkün yerləşdirilməsinin qarşısı alınmalı olduğunu vurğulayıb və nəzarətin həyata keçiriləcəyi barədə məlumatı paylaşıb.
Busaat.az
