Çinin Şandun əyalətində “Shandong Gaomi Youdao Chemical Co., Ltd.” kimya zavodunda güclü partlayış baş verib.
Busaat.az Report.az-a istinadən xəbər verir ki, bu barədə CCTV məlumat yayıb.
Məlumata görə, hadisə nəticəsində azı 5 nəfər həlak olub, 19 nəfər yaralanıb, daha 6 nəfər itkin düşüb.
Qeyd olunub ki, hadisə yerində xilasetmə işləri davam edir, itkin düşənlərin axtarışı təşkil edilib. Həlak olanların ailələrinə yardım ayrılacaq.
“Shandong Gaomi Youdao Chemical Co., Ltd.” zavodunda pestisidlər, tibbi preparatlar istehsal edilir. Müəssisədə 500-dən çox işçi çalışır.
