Sanksiyalara görə enerji çatışmazlığı ola bilər – Səudiyyə Ərəbistanının energetika naziri

image-abdulaziz-bin-salmanbackend

Səudiyyə Ərəbistanının energetika naziri şahzadə Əbdüləziz bin Salman sanksiyaların və enerji sektoruna az sərmayə qoyulmasının enerji çatışmazlığına səbəb ola biləcəyi barədə xəbərdarlıq edib.

Busaat.az xəbər verir ki, bu barədə Reuters məlumat yayıb.

“Avropa İttifaqı bir sıra sanksiyalar tətbiq edib, enerji ixracını azaldıb və digər Qərb dövlətləri də bu istiqamətdə tədbirlər görüb. Bütün bu sanksiyalar, embarqolar, sərmayə çatışmazlığı hər cür enerji təchizatı çatışmazlığına səbəb olacaq”, – nazir Ər-Riyadda sənaye konfransında bildirib.

O, çıxışında konkret olaraq Rusiyadan bəhs etməyib. Ancaq söhbətin Rusiyadan getdiyi şübhəsizdir.

Energetika naziri həmçinin bildirib ki, Səudiyyə Ərəbistanı ən çox yemək bişirmək və qızdırmaq üçün yanacaq kimi istifadə olunan mayeləşdirilmiş neft qazının Ukraynaya göndərilməsi üzərində işləyir.

Şahzadə Əbdüləziz, 2022-ci ildə enerji bazarının dinamikasından hansı dərslərin çıxarıldığı ilə bağlı suala cavab verib ki, ən vacibi dünyanın qalan hissəsinin OPEC+-a etibar etməsidir.

Neft İxrac Edən Ölkələr Təşkilatının (OPEC) və Rusiya da daxil olmaqla digər ölkələrin üzvlərindən ibarət OPEC+ ittifaqı keçən il noyabr ayından hasilatı gündəlik 2 milyon barel və ya qlobal tələbatın təxminən 2%-i qədər azaltmağa razılaşıb.

Ötən çərşənbə günü bir araya gələn OPEC+ qrupu bu qərarı təsdiqləyib və görüş boyu əsas mesaj qrupun razılığın sonuna qədər seçilmiş kursda qalacağı olub.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90