Şanlıurfa və Adıyamanda sel fəlakəti! Can itkisi 16-ya yüksəldi

Şanlıurfada Abide qovşağında daha 1 nəfərin meyiti tapılıb. Nəticədə sel fəlakətində həyatını itirənlərin sayı 16-ya yüksəlib.

Busaat.az CNN Türk-ə istinadən xəbər verir ki, Şanlıurfada dünən səhər saatlarında təsirli olan leysan yağış Mance dərəsinin daşması ilə selə çevrilib.

Şəhər sakinləri səhər saat 06:00 radələrində qeyri-adi heç nə olmadığını, hər şeyin 20-30 dəqiqə ərzində baş verdiyini bildiriblər. Şiddətli yağış nəticəsində Şanlıurfanın Haliliye və Əyyubiyə rayonları başda olmaqla şəhərə ciddi ziyan dəyib. Şəhərin mərkəzindəki Haliliye rayonundakı Abide qovşağında 6 metr hündürlüyündəki yeraltı keçidi su basıb. Polis dalğıcları avtomobillərində sıxışıb qalan onlarla insanın xilas edilməsi üçün saatlarla axtarış-xilasetmə əməliyyatı aparıb.

Şanlıurfada itkin düşən şəxsin axtarışları davam edir.

Busaat.az