Şarl Lekler "Ferrari"dən ayrılacağı ilə bağlı xəbərə münasibət bildirib

“Ferrari” komandasının pilotu Şarl Lekler İtaliya mətbuatında onun komandanı tərk edəcəyi ilə bağlı yayılan fərziyyələri təkzib edib.

Busaat.az xəbər verir ki, bu barədə “Racing News 365” məlumat verib.

“Mən çox təəccüblənirəm və bu xəbərin haradan yarandığını bilmirəm. Ona görə də buna məhəl qoymamağa üstünlük verərdim və son bir neçə yarışda heç vaxt belə bir söz deməmişəm. Buna qalsa, komandanı nə qədər çox sevdiyimi və “Ferrari”ni zirvəyə qaytarmaq istədiyimi bir daha demək istəyirəm. Ona görə də bəli, təəccübləndim. Frederik Vassör, Lyuis Hemilton və mən – üçümüz də qələbəyə çalışmalıyıq və biz bunun üzərində birlikdə işləyirik. Bu, bizim planımızdır və biz bu plana sadiq qalacağıq”, – deyə Lekler bildirib.