İsrail müharibəni əbədi olaraq bitirmək üçün HƏMAS-ın terror yuvalarını məhv etmək niyyətindədir
Busaat.az xəbər verir ki, bu barədə İsrailin Rusiyadakı səfiri Aleksandr Ben Zvi Rusiya Yəhudi Konqresinin ev sahibliyi etdiyi açıq çıxışda bildirib.
“Həmas bir terror təşkilatı olaraq mövcud olduğu müddətdə bu hücumlar və bu müharibə davam edəcək və biz getdikcə daha çox itki verəcəyik. Bunun qarşısını almaq üçün HƏMAS-ın bütün bu terror hücrələrini məhv etməliyik”, – o deyib.
Ben Zvinin fikrincə, İsrailə hücum edib ondan qurtula biləcəklərini düşünənlərə çox yanıldıqlarını bircə dəfə göstərmək lazımdır.
Qeyd edək ki, oktyabrın 7-də Həmas hərəkatının fələstinli yaraqlılarının Qəzza zolağından İsrail ərazisinə hücum etməsi Yaxın Şərqdə gərginlik yenidən alovlandı. Son rəsmi məlumatlara görə, zorakılıqların yenidən başlanmasından bəri təxminən 800 fələstinli öldürülüb, 4000-dən çoxu isə yaralanıb. İsraildə 900-dən çox insan həyatını itirib, 2600-ə yaxın insan isə yaralanıb.
HƏMAS hücumunu İsrail hakimiyyətinin Qüdsün Köhnə Şəhərində Məscidül-Əqsaya qarşı hərəkətlərinə cavab kimi qiymətləndirib. İsrail müharibəyə hazır vəziyyət elan edib və Qəzza zolağının tam blokadaya alındığını bildirib.
