ŞƏT NATO ilə müqayisə oluna bilməz - Zhang Ming

Şanxay Əməkdaşlıq Təşkilatı (ŞƏT) regional sabitlik və inkişafla bağlı məsələlərin həllində iştirak edir.

Busaat.az xəbər verir ki, bu sözləri ŞƏT-in baş katibi Zhang Ming bildirib.

O, qeyd edib ki, ŞƏT  hərbi blok deyil və buna görə də NATO ilə müqayisə oluna bilməz.

“Bu gün vurğulamaq istərdim ki, ŞƏT-in əsas məqsədi əməkdaşlıqdır və bu, bizim təşkilatın adında tam əksini tapıb. Ona görə də biz heç vaxt ŞƏT-i NATO kimi təşkilatlarla müqayisə etməyəcəyik”, – Ming deyib.

O, əlavə edib ki, ŞƏT-in səyləri regionda sülhün, təhlükəsizliyin, sabitliyin, inkişafın və rifahın təmin edilməsinə yönəlib.

Diplomat bildirib ki, təşkilat hər zaman bloklara qoşulmamaq, eləcə də qarşıdurma və üçüncü tərəflərin hədəfə alınmasından imtina prinsipinə sadiq qalıb.

Qeyd edək ki, mayın 5-də Hindistanın Qoa şəhərində ŞƏT Xarici İşlər Nazirləri Şurasının iclası keçirilib.

Busaat.az