Səudiyyə Ərəbistanı neft hasilatının könüllü olaraq azaldılmasını sentyabr ayına qədər uzatmaq qərarına gəlib.
Busat.az xəbər verir ki, bu barədə Səudiyyə Press Agentliyi məlumat yayıb.
Bundan əvvəl könüllü azalma əvvəlcə iyul ayı üçün hesablanıb, sonra isə avqusta qədər uzadılıb.
Sentyabr, iyul və avqust aylarında Səudiyyə Ərəbistanı tərəfindən neft hasilatının həcmi azalma nəzərə alınmaqla sutkada 9 milyon barel təşkil edib.
Hesabatda göstərilir ki, könüllü olaraq 1 milyon barel azaldılması hasilatın sutkada 500 min barel azaldılması ilə bağlı əvvəlki qərara əlavədir.
Beləliklə, sentyabrda hasilatın azaldılmasının ümumi həcmi sutkada 1,5 milyon barel təşkil edəcək.
Qeyd edək ki, iyunun 4-də Vyanada keçirilən OPEC+ toplantısından sonra Səudiyyə Ərəbistanı neft hasilatını könüllü olaraq sutkada 1 milyon barel azaltdığını açıqlayıb.
Busaat.az
