Səudiyyə Ərəbistanı ölkəyə girişi bağladıbackend

Səudiyyə Ərəbistanı bir neçə ölkədə koronavirusun mutasiyaya uğramış yeni növünün yayılması səbəbilə beynəlxalq uçuşları dayandırıb.

Busaat.az xəbər verir ki, bu barədə ölkənin SPA xəbər agentliyi məlumat yayıb. Qeyd olunub ki, sözügedən mutasiyanın sürətlə yayılması ilə bağlı hökumət yeni qərarlar alıb.

“Ölkəyə əvvəllər daxil olmuş əcnəbi təyyarələrin geri qayıtmasına icazə veriləcək. Bunun xaricində bütün beynəlxalq uçuşlar müvəqqəti olaraq bir həftə dayandırılıb. Bu müddət bir həftə uzadıla bilər”,- deyə açıqlamada qeyd olunub.

Quru və dəniz limanlarından ölkəyə girişlər də bir həftə müddətinə qadağan edilib.