
Səudiyyə Ərəbistanında dolu fırtınası baş verib
Səudiyyə Ərəbistanının paytaxtı Ər-Riyadda yağan dolu səbəbindən yolları su basıb.
Busaat.az xəbər verir ki, güclü dolu Səudiyyə Ərəbistanının paytaxtı Ər-Riyadda həyatı iflic edib.
Yolların su altında qaldığı Ər-Riyadda nəqliyyat vasitələri irəliləməkdə çətinlik çəkib. Taif Mülki Müdafiə Müdirliyindən verilən açıqlamada, əlverişsiz hava şəraiti səbəbiylə meydana gələ biləcək ani sel fəlakətlərinə qarşı diqqətli olmaq çağırışı edilib. Sakinlərə də mümkün qədər evdən çıxmamaq tövsiyə olunub.
Səudiyyə Ərəbistanının meteorologiya xidməti bazar günü bildirmişdi ki, həftə ərzində bir çox bölgəyə təsir edəcəyi gözlənilən tufan, dolu, daşqın baş verə bilər.
Busaat.az























