Səudiyyə Ərəbistanının digər ölkələrə neft satışından əldə olunan gəlirləri il ərzində kəskin şəkildə üçdə bir azalıb.
Busaat.az xəbər verir ki, bu barədə krallığın baş statistik departamentinə istinadən Bloomberg agentliyi məlumat yayıb.
Son məlumatlara görə, neftin xaricə tədarükü, o cümlədən onun emal olunmuş məhsulları 2023-cü ilin may ayında 19,2 milyard dollara qədər azalaraq 2021-ci ilin sentyabrından bəri ən aşağı səviyyəyə enib. Bununla yanaşı, ixracın ümumi həcmində neft satışının payı 74%-ə qədər azalıb. Bu arada, bir il əvvəl bu rəqəm 81% təşkil edib.
Qeyd edək ki, 2022-ci ildə qiymətlərin və istehsalın həcminin artması hesabına ölkə gözlənilmədən yüksək gəlir əldə etdi.
Busaat.az
