Si Tsipin üçüncü dəfə Çin prezidenti seçildi

Çin prezidenti Si Tsipin üçüncü müddətə yenidən prezident seçilib.

Busaat.az xəbər verir ki, Tsipin paytaxt Pekində baş tutan Ümumçin Xalq Nümayəndələri Konqresinin 14-cü dövr üçün 1-ci Baş Assambleyasında nümayəndələrin yekdil səsi ilə üçüncü dəfə dövlət başçısı seçilib.

Qurultayda Han Cing vitse-prezident, Cao Lici isə parlamentin spikeri seçilib. Tsipin, Cao və Han and içərək vəzifələrinə başlayıblar.

2013 və 2018-ci illərdə iki dəfə prezident seçilən və 10 il bu vəzifədə olan Tsipin 5 illik müddətə yenidən seçilərək Çin Xalq Respublikasının tarixində üçüncü dəfə prezident postunu tutan ilk şəxs olub. O, həmçinin ordudakı baş komandan vəzifəsini qoruyaraq yenidən Mərkəzi Hərbi Komissiyanın sədri seçilib.

69 yaşlı Tsipin Mao Tsedundan sonra iki müddətdən artıq partiya rəhbərliyinə seçilən ilk şəxs olub.

Busaat.az