“Şimal axını” qaz kəmərləri partlayışdan sonra təmir edilə bilər, lakin bunun üçün vaxt, pul və yeni texnologiyalar lazımdır.
Busaat.az xəbər verir ki, bunu Rusiya prezidenti Vladimir Putin çərşənbə axşamı bildirib.
“Bu, sadə məsələ deyil. Dünya praktikasında belə qəzalardan sonra sistemlərin təmiri ilə bağlı nümunələr belə yoxdur”, – dövlət başçısı bildirib.
“Nəzəri cəhətdən texnologiya baxımından hər şey mümkündür”, – Putin qeyd edib.
“Bu, vaxt, pul və müəyyən yeni texnologiyalar tələb edəcək. Buna baxmayaraq, hər şey mümkündür, hər şey etmək olar”, – Rusiya lideri bildirib.
Putin əlavə edib ki, boru kəmərlərində partlayış çox güclü olub.
