“Şimal axını” boru kəmərlərində baş verən partlayışlar beynəlxalq terror aktlarıdır – Səfirlik

“Şimal axını” boru kəmərlərində baş verən partlayışlar beynəlxalq terror aktlarıdır.

Busaat.az xəbər verir ki, bu sözləri Rusiyanın ABŞ-dakı Səfirliyinin sözçüsü İqor Girenko bildirib.

“Rusiya insidenti hərtərəfli və müstəqil araşdırma tələb edən beynəlxalq terror aktı kimi qiymətləndirir. ABŞ bizə ünvanlanan boş ittihamlardan əsas məsələyə keçsə və heç olmasa qaz kəmərlərinin dağıdılmasında iştirak etmədiyini sübut etməyə çalışsa, bundan daha faydalı olar”, – deyə bəyanatda deyilir.

“Rusiya dövləti kritik enerji infrastrukturunda baş verən partlayışlarla bağlı vəziyyətin aşağı salınmasına icazə verməyəcək”, – deyə Girenko əlavə edib.

Qeyd edək ki,  Ned Prays mətbuat konfransında deyib: “ABŞ-ın “Şimal axını 1 və 2″ qaz kəmərlərində baş verən partlayışlarla heç bir əlaqəsi yoxdur və bunu BMT Təhlükəsizlik Şurasının iclasında bir daha bəyan etməyə hazırdır. Prays qaz kəmərlərində baş verən partlayışların arxasında Vaşinqtonun dayanması ilə bağlı xəbərləri tam dezinformasiya adlandırıb”.

Busaat.az