
“Şimal axını” təxribatı ilə bağlı iclas fevralın 21-nə təyin edilib - BMT
Rusiyanın tələbi ilə “Şimal axını” boru kəmərində baş verən təxribata bağlı BMT Təhlükəsizlik Şurasının iclası çərşənbə axşamına təyin edilib.
Busaat.az xəbər verir ki, bu barədə Təhlükəsizlik Şurasının gündəliyində məlumat paylaşılıb.
İclasda boru kəmərində baş verən partlayışın beynəlxalq təhqiqatına dair Rusiyadan təklif edilən qətnamə layihəsinin səsə qoyulacağı gözlənilir.
Görüş yerli vaxtla saat 15:00-a planlaşdırılıb. Qətnamə layihəsində BMT-nin baş katibinə təhqiqat üzərində işləyəcək müstəqil beynəlxalq hüquqşünaslar komissiyasının yaradılması təklif edilir.
Qeyd edək ki, bundan əvvəl qətnaməni Çinin BMT-dəki daimi nümayəndəsi Zhang Jun dəstəkləyib.
Busaat.az























