Şimali Koreya ABŞ-ni sərt cavab verməklə hədələyib

ABŞ dövlət katibi Entoni Blinken Cənubi Koreyanın xarici işlər naziri Park Cinə zəng edərək onun Çinə səfərinin nəticələrini müzakirə edib.

Busaat.az xəbər verir ki, bu barədə Cənubi Koreya Xarici İşlər Nazirliyi məlumat yayıb.

“Reuters”in xəbərinə görə, Blinken Çin tərəfi ilə səmimi və konstruktiv dialoq apardığını bəyan edib.

Blinken və Park Cin Pekini Şimali Koreyanın təxribatlarının dayandırılması və nüvəsizləşdirilməsində konstruktiv rol oynamağa çağırıblar.

Şimali Koreya da öz növbəsində Blinkeni Çinin Pxenyana təzyiq cəhdinə görə tənqid edib və sərt cavab veriləcəyi barədə xəbərdarlıq edib.

Busaat.az