Şimali Koreya iki ballistik raket buraxıb.
Busaat.az xəbər verir ki, bu barədə Kyodo agentliyi Koreya Respublikası Silahlı Qüvvələrinin Baş Qərargah Rəisləri Komitəsinə istinadən məlumat yayıb.
Məlumatda bildirilir ki, raketlər Yapon dənizi istiqamətində atılıb.
Cənubi Koreyanın Yonhap agentliyi məlumatına görə, Şimali Koreya iyulun 24-nə keçən gecə Şərqi dəniz istiqamətində ballistik raket buraxıb.
Hərbçilər təyyarənin tipi və uçuş məsafəsi kimi detallı xüsusiyyətlərini təhlil edir.
İyulun 18-də də, Şimali Koreyanın iki qısa mənzilli ballistik raketinin 550 kilometr uçaraq Şərq dənizinə düşdüyü açıqlanmışdı.
Qeyd edək ki, iyulun 16-da Cənubi Koreya, ABŞ və Yaponiya üçtərəfli hərbi təlimlər keçirib. Təlimin əsas məqsədi üç ölkənin hərbi qüvvələrinin ballistik raketlərə cavab vermək imkanlarını artırmaq məqsədi daşıyıb.
Busaat.az
