KXDR-in nüvəsizləşdirilməsi konsepsiyası artıq mümkün deyil, Pxenyan ardıcıl olaraq nüvə silahlı qüvvələrini gücləndirməyə davam edəcək.
Busaat.az-ın məlumatına görə , bu barədə TASS KXDR Xarici İşlər Nazirliyinin bəyanatına istinadən məlumat yayıb.
Şimali Koreya Xarici İşlər Nazirliyi bəyanatında ABŞ, Yaponiya və Cənubi Koreyanın xarici işlər nazirlərinin Münhendə bu yaxınlarda keçirilən görüşünü sərt şəkildə tənqid edib, burada xüsusilə KXDR-in tam nüvəsizləşdirilməsinə nail olunmasının zəruriliyi haqqında müddəa bir daha səsləndirilib.
Bəyanata görə, nüvəsizləşdirmə planı real nöqteyi-nəzərdən “daha qeyri-mümkün və qeyri-real” olub.
Şimali Koreya Xarici İşlər Nazirliyi vurğulayıb ki, “ABŞ və onun peyklərindən düşmən təhdidləri olduğu müddətcə, nüvə silahı KXDR üçün sülhün və suverenliyin təminatıdır, həmçinin konstitusiya ilə təmin edilən özünümüdafiə vasitəsidir”.
KXDR Xarici İşlər Nazirliyi söz verib ki, ölkə “nüvə silahlı qüvvələrinin gücləndirilməsi ilə bağlı dövlət başçısının yeni siyasətinə sadiq qalmağa davam edəcək”.
