Prezident seçkilərində 5,2 faiz səslə üçüncü olan “Ata İttifaqı”nın namizədi Sinan Oğan ikinci turda kimləri dəstəkləyəcəkləri ilə bağlı İngiltərə xəbər agentliyi Reuters-ə diqqət çəkən açıqlama verib.
Busaat.az xəbər verir ki, Reuters-in “İkinci turda hökuməti təyin etmə potensialı olan şəxs kürdlərə güzəştə qırmızı xətt çəkdi” başlıqlı xəbərdə Oğanın ikinci turda müxalifət ittifaqının “kürt yönümlü partiyaya” (HDP nəzərdə tutulur – red.) güzəştə getməyəcəyi halında Kamal Kılıçdaroğlunu dəstəkləyəcəyini söylədiyi bildirilib.
Oğan Reuters-ə verdiyi açıqlamada deyib: “İkinci tur üçün seçici bazamızla görüşəcəyik. Amma biz artıq nümayiş etdirmişik ki, terrorla mübarizə və miqrantların geri qayıtması bizim qırmızı xəttimizdir”.
“Seçki artıq ikinci tura qaldı. Biz əslində seçki başlayanda demişdik ki, seçki ikinci tura keçəcək. Çünki sahəni düzgün oxumaq lazımdır. Biz istədiyimiz bütün məqsədlərə nail olduq. Bundan sonra Türkiyənin böhrana və siyasi qarışıqlığa girməməsi üçün bütün məsuliyyəti üzərimizə götürəcəyik. Biz nə dedik? Bu seçkinin son sözünü türk millətçiləri deyəcək. Bu seçkidə HDP və HÜDA PAR əsas olmayacaq”, – Oğan deyib.
Busaat.az
