2022-ci ildə adambaşına dövlət borcunun ən böyük göstəricisi Sinqapur, ABŞ və Yaponiyada müşahidə olunub, Rusiya isə 94-cü yerdədir.
Busaat.az xəbər verir ki, bu barədə “RİA Novosti”nin təqdim etdiyi BMT-nin təhlilində bildirilir.
Keçən il mütləq liderlər adambaşına düşən dövlət borcu 117,4 min dollara çatan Sinqapur, 93 min dollar indekslə ABŞ, 88,4 min dollarla Yaponiya olub. Dördüncü və beşinci yerlərdə Kanada (58,9 min dollar) və Belçika (52,6 min dollar) qərarlaşıb.
İlk onluqda İslandiya (51,2 min dollar), İtaliya (49,2 min dollar), Fransa (47,1 min dollar), İrlandiya (47,1 min dollar) və Böyük Britaniya (46,6 min dollar) yer alıb. Norveç (42,1 min dollar), Avstraliya (36,5 min dollar), İsveçrə (36,2 min dollar) və Almaniya (32,6 min dollar) da ilk 30-luqda qərarlaşıb.
Busaat.az
