Türkiyənin Şırnak vilayətində bəzi bölgələr 15 gün müddətinə “müvəqqəti xüsusi təhlükəsizlik zonası” elan edilib.
“ Busaat.az ” xəbər verir ki, qərar terror təşkilatı PKK-nın ləğv edilərək silahı buraxmasından sonra qəbul olunub.
Məlumata görə, Qabar və Cudi dağları da daxil olmaqla, Bestler Dərələr, Kurt Dağı, Faraşin, Altındağları və digər əraziləri əhatə edən bölgələr 12-26 may tarixləri arasında xüsusi nəzarətə götürülüb.
Məlumata görə, bu müddət ərzində adıçəkilən bölgələrə yalnız rəsmi icazə ilə daxil olmaq mümkündür. Əks halda qanuni tədbirlər görüləcək.
Bildirilir ki, qərarın məqsədi vətəndaşların təhlükəsizliyini təmin etmək və qeyri-qanuni fəaliyyətlərin qarşısını almaqdır.
Nərmin Səmidova
