Somalidə “Əş-Şəbab” terror təşkilatının 188 üzvü zərərsizləşdirilib

Somalidə son bir həftədə  Əl-Şəbab terror təşkilatına qarşı aparılan əməliyyatlarda 188 təşkilat nəfər zərərsizləşdirilib.

Busaat.az xəbər verir ki, bu barədə Somalinin İnformasiya Naziri Daud Aveys Cama açıqlama verib.

Digər tərəfdən, Somali hökuməti təşkilatın ölkədə geniş istifadə edilən telefonla pul köçürmələrindən istifadə etməməsi ilə bağlı yeni tədbirlər görüb.

Hökumət bütün telekommunikasiya şirkətlərindən və mobil pul xidməti təminatçılarından hər bir müştəri üçün fotoşəkil və barmaq izi almağı tələb etdiyini açıqlayıb.

Qeyd edək ki, Somali ordusu təxminən 7 aydır Əl-Şəbab qruplaşmasına qarşı həyata keçirdiyi əməliyyatlarda əhəmiyyətli irəliləyiş əldə edərək bir çox yaşayış məntəqəsinə nəzarəti bərpa edib.

Busaat.az