Rusiyanın Su-27 döyüş təyyarəsi Qara dəniz üzərində uçan ABŞ ordusuna məxsus MQ-9 tipli pilotsuz uçuş aparatını vurub.
Busaat.az xəbər verir ki, Pentaqon Rusiyanın iki Su-27 təyyarəsinin Qara dənizdə ABŞ-nin MQ-9 pilotsuz uçuş aparatına təcavüz etdiyini, təyyarələrdən birinin pilotsuz uçuş aparatı ilə toqquşması nəticəsində MQ-9-un beynəlxalq sulara düşdüyünü açıqlayıb.
ABŞ hərbçiləri tərəfindən “ehtiyatsızlıq” olaraq xarakterizə edilən hadisə şiddətlə pislənilib.
ABŞ Hərbi Hava Qüvvələrinin xarici ərazilərində üzrə ABŞ Hərbi Hava Qüvvələri generalı Ceyms Hekker deyib: “Bizim MQ-9 təyyarəmiz beynəlxalq hava məkanında adi əməliyyatlar apararkən Rusiya təyyarəsi tərəfindən vuruldu”.
