Vaqner-in rəhbəri Priqojin Rusiya hərbi rəhbərlərini söyüşlərlə hədəfə aldı

Rusiyanın “Vaqner” muzdlu şirkətinin direktoru Yevgeni Priqojin Rusiya-Ukrayna müharibəsində öldürülən və şirkətin döyüşçüləri olduğunu iddia etdiyi onlarla insanın cəsədləri qarşısında video yayımlayıb.

Busaat.az xəbər verir ki, çəkdiyi videoda Priqojin rus hərbi rəhbərlərinə söyüş dolu çağırış edib.

Priqojin videoda, “Bizə lazım olan sursatın 70%-i çatışmır”, – deyərək Rusiyanın müdafiə naziri Sergey Şoyqu və Rusiya Baş Qərargah rəisi general Valeri Gerasimova müraciət edib.

“Onların qanı hələ də təzədir. Onlar könüllü olaraq buraya gəliblər və ölürlər ki, siz kök pişiklər kimi dəbdəbəli ofislərinizdə oturasınız”, – deyə Priqojin videoda arxasındakı cəsədləri göstərib.

Busaat.az