Şoyqu “Vaqner”in üsyanından sonra ilk dəfə AÇIQLAMA VERİB

Rusiyanın müdafiə naziri Sergey Şoyqu ilk dəfə olaraq “Vaqner”in yaradıcısı Yevgeni Priqojinin təşkil etdiyi iğtişaşlar barədə danışıb.

Busaat.az bu barədə xarici mətbuata istinadən xəbər verir.

“Təxribat qoşun qruplarının hərəkətlərinə təsir etməyib”, – Şoyqu deyib.

“Bu planlar ilk növbədə ona görə uğursuzluqla nəticələndi  ki, Silahlı Qüvvələrin şəxsi heyəti döyüş vəzifəsinə sadiqlik nümayiş etdirdi. Hərbçilər cəsarətlə və fədakarlıqla qarşılarında duran problemləri həll etməyə davam etdilər”, – deyə Müdafiə naziri bildirib.

Qeyd edək ki, iğtişaşlar davam edərkən, Şoyqu baş verənlərlə bağlı heç bir şərh verməyib. İğtişaşlar bitdikdən bir gün sonra Şoyqu Putinlə güc strukturlarının rəhbərləri arasında keçirilən görüşdə görünsə də, heç bir açıqlama verməyib.

“Wall Street Journal” Qərb kəşfiyyat mənbələrinə istinadən yazıb ki, Priqojinin məqsədi iğtişaşlar zamanı Şoyqu və Gerasimovu tutmağı olub.

Busaat.az