“Soyuz-2.1v” daşıyıcı raketi hərbi peyki orbitə çatdırıb - Rusiya MN

Rusiyanın Plesetsk kosmodromundan buraxılan “Soyuz-2.1v” yüngül daşıyıcı raketi orbitə hərbi peyk çıxarıb.

Busaat.az xəbər verir ki, bu barədə Rusiya Müdafiə Nazirliyi məlumat yayıb.

“Kosmik gəmi təyin olunmuş vaxtda təyin olunmuş orbitə çıxarılıb və nəzarətdədir. Kosmik gəmi ilə sabit telemetrik əlaqə yaradılıb”, – məlumatda bildirilir.

Məlumata görə, kosmik gəminin bort sistemləri müntəzəm olaraq işləyir. Peykin identifikasiya nömrəsi Kosmos-2568 idi.

Qeyd edək ki, hərbi peyki daşıyan “Soyuz-2.1v” yüngül raketi martın 29-da saat 22:57-də (GMT 19:57) Plesetsk kosmodromundan havaya qalxıb.

Busaat.az