Çin prezidenti Si Tsipin beynəlxalq ictimaiyyəti şüar qışqırmağa yox, dünyanı inkişafa yönəltməyə çağırıb.
Busaat.az xəbər verir ki, İndoneziyanın Bali adasında keçirilən G20 sammiti çərçivəsində Çin lideri BMT-nin Baş katibi Antonio Quterreşlə görüşüb.
Tsipin inkişafın beynəlxalq gündəmin mərkəzində olmasını və ölkələrin inkişaf istiqamətində şüarlar səsləndirmək əvəzinə hərəkət etməli olduqlarını müdafiə edib.
“Biz inkişafı beynəlxalq gündəmin mərkəzinə qoymalı, qlobal inkişafa yeni təkan verməliyik, inkişaf üçün qlobal tərəfdaşlıq yaratmalıyıq. Bunun üçün ölkələr öz dediklərini etməli, şüar səsləndirməməli, hərəkət etməlidirlər” – deyə, Çin lideri bildirib.
Tsipin Çinin qlobal inkişaf və qlobal təhlükəsizlik təşəbbüslərinin real nəticələr verməsini təmin etmək üçün BMT ilə əməkdaşlığı gücləndirməyə hazır olduğunu bildirib.
