Sülhməramlılar öz səlahiyyətləri daxilində hər şeyi edirlər - Sergey Kopirkin

Sülhməramlılarımız hətta Laçın yolunun bağlandığı çətin şəraitdə də Qarabağın normal həyatını təmin etmək üçün öz səlahiyyətləri daxilində hər şeyi edirlər.

Busaat.az xəbər verir ki, bu sözləri Rusiyanın Ermənistandakı fövqəladə və səlahiyyətli səfiri Sergey Kopirkin bildirib.

O, qeyd edib ki, sülhməramlıların rolu həm Qarabağın güzəranı, həm də vəziyyətin gərginləşməsinə cəhdlərin qarşısının alınması üçün vacibdir: “ Siz bizim sülhməramlılarımızın Qarabağda necə hərəkət etdiyini yaxşı bilirsiniz, bu barədə daim məlumatlar dərc olunur. Təbii ki, Ermənistan rəhbərliyi bunu dərk edir. Rusiya sülhməramlıları Qarabağın yaşayışının və təhlükəsizliyinin təmin edilməsində çox mühüm rol oynayırlar”.

Sülhməramlıları gözdən salmaq cəhdlərinə gəlincə , o, şərhlərə deyil, faktlara diqqət yetirməyə çağırıb. Əlavə edib ki, faktlar sülhməramlıların onlara həvalə edilmiş missiyanı yerinə yetirmək üçün hər şeyi etdiklərini göstərir.

Busaat.az