Rusiya sülhməramlılarının Qarabağda olması yerli əhalinin təhlükəsizliyi üçün əsas amildir.
Busaat.az xəbər verir ki, bunu Ermənistanın Baş naziri Nikol Paşinyan parlamentdə çıxışı zamanı bildirib.
“Aydındır ki, Dağlıq Qarabağda ermənilərin hüquq və təhlükəsizliyinin təmin edilməsi üçün ən mühüm amil etibarlı mexanizmlər və təminatlar qurulana qədər orada sülhməramlıların olmasıdır” – deyə, Paşinyan vurğulayıb.
Erməni lider eyni zamanda Paşinyan bildirib ki, oktyabrın 31-də Soçidə Rusiya prezidenti Vladimir Putin və azərbaycanlı həmkarı İlham Əliyevlə görüşündə o, Dağlıq Qarabağdakı rus sülhməramlılarının mandatının qeyri-müəyyən müddətə uzadılmasını təklif edib.
“Soçidə biz Dağlıq Qarabağda dislokasiya olunmuş Rusiya sülhməramlılarının mandatının uzadılmasını təklif etdik. Biz qeyri-müəyyən müddətə, 20 il, 15 il, 5 il variantları təklif etdik. Təklif qəbul edilmədi, amma mənim fikrimcə, məsələ gündəliyə əlavə edilib” – deyə, Paşinyan qeyd edib.
Busaat.az
