Sunakdan süni intellekt xəbərdarlığı

Böyük Britaniyanın baş naziri Rişi Sunak süni intellektin təhlükələrinə diqqət çəkərək, bu mövzuda təcili tədbirlər görülməli olduğunu bildirib.

Busaat.az xəbər verir ki, Rişi Sunak və Co Bayden ikitərəfli görüşdən sonra Ağ Evdə birgə mətbuat konfransı keçiriblər.

Bu gün açıqladıqları “Atlantik Bəyannaməsi” razılaşmasının iqtisadi töhfələrindən bəhs edən Sunak, süni intellekt mövzusuna toxunub və İngiltərənin süni intellekt təhlükəsizliyi ilə bağlı ilk qlobal sammitə ev sahibliyi edəcəyini bildirib.

Süni intellektin sosial və iqtisadi imkanlar təqdim edə biləcəyini ifadə edən Sunak deyib: “Ancaq aydındır ki, bu, liderlər olaraq fərqində olmamız və riskləri azaltmaq üçün lazımi tədbirləri görməmiz lazım olan çox real risklər yaradır”.

Texnoloji dəyişikliyin sürətinə işarə edən Sunak, süni intellekt probleminin həllinin təcililik tələb etdiyini vurğulayıb.

Busaat.az