ABŞ Suriya ilə münasibətləri normallaşdırmayacaq.
Busaat.az xəbər verir ki, bu barədə Ağ Evin sözçüsü Karine Jean-Pierre gündəlik mətbuat konfransında jurnalistlərin suallarını cavablandırıb.
Suriya administrasiyasının Ərəb Liqasına qayıtma qərarı ilə əlaqədar olaraq, Jan-Pier Ərəb Liqası Baş Katibliyinin bəyanatına diqqət çəkib: “Bu qərar birliyə üzv olan bütün ölkələrin rejimlə münasibətləri normallaşdırdığı anlamına gəlmir”.
Jean-Pierre tərəfdaşlarının humanitar yardımın çatdırılması, qaçqınların təhlükəsiz geri qayıtması, İŞİD-lə mübarizə və Suriya böhranının həlli kimi məsələlərdə irəliləyiş əldə etmək üçün Suriya ilə birbaşa əlaqə qurmaq planları barədə onlara məlumat verdiyini bildirib.
O, Əsəd administrasiyasının ölkəsindəki böhranın həlli üçün lazımi addımları atmaq istəyindən şübhələndiklərini deyib və son hədəflərdə tərəfdaşları ilə eyni mövqedə olduqlarını bildirib.
“Biz tərəfdaşlarımıza açıq şəkildə bildiririk ki, Əsəd rejimi ilə münasibətləri normallaşdırmayacağıq və sanksiyalarımız tam qüvvədə qalacaq”, – Jan-Pier bildirib.
Birləşmiş Millətlər Təşkilatının Təhlükəsizlik Şurasının 2254 saylı qətnaməsində müəyyən edilmiş siyasi prosesin münaqişənin yeganə etibarlı həll yolu olduğuna dair mövqelərini qoruduqlarını ifadə edən Jan-Pier, Əsədlə görüşən tərəfdaşlarını Sezar Sanksiya Qanununa sadiqlikləri barədə məlumatlandırdıqlarını ifadə edib.
Busaat.az
