Suriya MN: "İsrailin zərbəsi Hələb hava limanını istismardan çıxarıb"

İsrail Hərbi Hava Qüvvələri Hələb Beynəlxalq Hava Limanına raket zərbəsi endirib və onu istismardan çıxarıb.

Busaat.az xəbər verir ki, bu barədə Suriya Ərəb Xəbər Agentliyi (SANA) ölkənin Müdafiə Nazirliyinə istinadən məlumat yayıb.

Nazirlik bildirib ki, İsrail yerli vaxtla səhər saat 4:30-da Hələb beynəlxalq raket hava limanına zərbə endirərək, Suriyaya qarşı növbəti təcavüz aktı həyata keçirib. Hücum uçuş-enmə zolağına ziyan vurub.

Hələb beynəlxalq hava limanı bu ilin əvvəlində iki dəfə hədəfə alınıb. Martın 7-də hava limanı İsrailin hava hücumundan sonra iki həftədən çox müddətə fəaliyyətini dayandırıb. Fevralın 6-da baş verən zəlzələdən zərər çəkən insanlara humanitar yardım çatdırılması müvəqqəti olaraq Latakiya və Dəməşqə yönəldilib. Yenidən mayın 5-də İsrailin hücumu uçuş-enmə zolağına ziyan vurdu və hava limanı bir neçə gün bağlandı.