
Suriya üzrə 20-ci görüş sonuncu olacaq – Qazaxıstan XİN
Astanada baş tutana Suriya üzrə 20-ci beynəlxalq toplantı sonuncu olacaq.
Busaat.az xəbər verir ki, bunu Qazaxıstan xarici işlər nazirinin müavini Kanat Tumış deyib.
“Biz Suriya üzrə 20-ci beynəlxalq görüşü rəsmi olaraq Astana formatı çərçivəsində sonuncu kimi elan etmək qərarına gəldik. Biz bu qərarın birgə bəyanatda təsbit edilməsini təklif etdik”, – o, bildirib.
Xatırladaq ki, iyunun 20-21-də Astanada Suriya üzrə beynəlxalq görüş keçirilir.Görüşdə qarant ölkələr, Rusiya, Türkiyə və İranın nümayəndə heyətləri, Suriya hökuməti və müxalifətinin nümayəndələri iştirak edir. BMT, İordaniya, Livan və İraqdan olan nümayəndələr isə müşahidəçi qismində iştirak edirlər.
Busaat.az























