ABŞ Hərbi Hava Qüvvələri Komandanlığı Rusiya döyüş təyyarələrinin Suriyada ABŞ-nin pilotsuz uçuş aparatlarına (PUA) qarşı “təhlükəli” və “qeyri-peşəkar” hərəkətlər etdiyini göstərən görüntülər yayımlayıb.
Busaat.az xəbər verir ki, bu barədə ABŞ Hərbi Hava Qüvvələrinin Yaxın Şərqdəki 9-cu komandanı general-leytenant Aleks Qrinkeviçin verdiyi yazılı açıqlamada deyilir.
“ABŞ-nin 3 MQ-9 PUA-sı İŞİD hədəflərinə qarşı missiya yerinə yetirərkən, 3 Rusiya döyüş təyyarəsi PUA-ları təqib etməyə başladı”, – Qrinkeviç bildirib.
Bu cür hərəkətlərin “norma və protokollara zidd” olduğunu bildirən general, Rusiya təyyarələrinin PUA-ların qarşısına çoxlu paraşüt işıqlandırma bombaları ataraq İHA-ları qaçış manevrləri etməyə məcbur etdiyini deyib.
Qrinkeviç rus pilotun da öz təyyarəsini MQ-9-un qarşısına gətirdiyini və PUA-ların təhlükəsiz idarə olunmasının qarşısını aldığını bildirib.
“Bu hadisələr Rusiya qüvvələrinin Suriyadakı həm ABŞ, həm də Rusiya qüvvələrini təhdid edən qeyri-peşəkar və təhlükəli hərəkətlərinin daha bir nümunəsidir”, – Qrinkeviç əlavə edib.
Busaat.az
