Rusiya kürdlərin ABŞ qoşunlarını Suriyadan çıxarmaq qərarını asanlaşdırmaq üçün iranlı və türkiyəli tərəfdaşları ilə çalışacaq.
Busaat.az xəbər verir ki, bu barədə Rusiyanın Suriyadakı səfiri Aleksandr Lavrentyev jurnalistlərə açıqlama verib.
“Biz hesab edirik ki, amerikalı hərbçilərin Suriya ərazisində qeyri-qanuni mövcudluğu qeyri-sabit vəziyyətə səbəb olan əsas amillərdən biridir. Amerika hərbi kontingentinin təkcə şimal-şərqdən deyil, həm də bütöv bölgədən çıxarılması, şübhəsiz ki, vəziyyətin normallaşmasına və sabitləşməsinə töhfə verəcək” – deyə, səfir, Suriya məsələsi ilə bağlı Astana formatında keçirilən beynəlxalq görüşdən əvvəl qeyd edib.
Levrentyev Rusiyanın iranlı və türkiyəli tərəfdaşları ilə birlikdə ABŞ qoşunlarını bölgədən çıxarmaq üçün çalışacağını bildirib: “Biz düşünürük ki, Qərb Dəməşqdəki qanuni hakimiyyətin mövqelərini sarsıtmaq üçün səyləri koordinasiya edir. Biz çalışacağıq ki, kürdlərin ABŞ qoşunlarını geri çəkməsinə dair qərarını asanlaşdırmaq üçün nə edə biləcəyimizi türk və iranlı dostlarımızla danışaq.Bu kifayət qədər çətin işdir, biz bunu yaxşı bilirik. Lakin bunun mümkün olduğunu düşünürük”.
Busaat.az
