Suriyada zəlzələ nəticəsində ölənlərin sayı 1262 nəfərə çatıb - Səhiyyə Nazirliyi

Fevralın 6-da Suriyada baş vermiş zəlzələ nəticəsində ölənlərin sayı 1 262 nəfərə çatıb, daha 2 285 nəfər yaralanıb.

Busaat.az xəbər verir ki, bu barədə ölkənin Səhiyyə Nazirliyinin “Facebook” səhifəsində bildirilib.

“Zəlzələ nəticəsində ölənlərin sayı 1 262 nəfərə çatıb, 2 285 nəfər yaralanıb”, – Səhiyyə naziri Həsən əl-Qabbaş bildirib. Nazirin sözlərinə görə, bu, ölən və yaralananların son sayı deyil.

Beynəlxalq Qızıl Xaç və Qızıl Aypara Cəmiyyətləri Federasiyasının məlumatına görə isə, Suriyada baş verən zəlzələ nəticəsində 1 500-dən çox insan ölüb, 3 500-dən çox insan yaralanıb.

Qeyd edək ki,  Suriyada zəlzələdən ən çox ölkənin qərbində və şimal-qərbində yerləşən Hələb, Latakiya, Tartus və Həma əyalətləri zərər görüb.

Busaat.az

Busaat.az